Goierriko Hitza

2009-06-29 | 11:08:47

Abaltzisketako hirukoak irabazi du Txindokira igotzeko desafioa

Hirukoak 51 minutu eta 18 segunduko denbora behar izan du gailurrera ilegatzeko, eta Jabi Lasa bi munutu eta 43 segundura sartu da

Mikel Senperenak, Jon Zubizarretak eta Iñaki Gorostidik osatutako hirukoak erraz antzean irabazi zioten Txindokira igotzeko desafikoa Jabi Lasa arriarandarrari. Hirukoak 51'18"-ko denbora behar izan zuen Abaltzisketako plazatik Txindoki gainera igotzeko, eta Lasa 2'43"-ra igo zen. Goizean goizetik jende asko bildu zen Larraitzen eta baita Txindokiko aldapa gogorrenetan ere.

Ez du erantzunik

2009-06-23 | 20:16:27

Fernando Boadak diputatu kargua hartu du Madrilen

Udal zinegotzi izan da orain arte, eta Espainiako Kongresuan Miguel Buenek utzitako tokia hartu du gaur Boadak

Fernando Boada PSE-EEko kide beasaindarrak gaur arratsaldean hartu du Espainiako Kongresuan diputatu kargua. Miguel Buen alderdikidearen tokia beteko du, Buen Pasaiako Portuko lehendakari izendatu ondoren utzitako zizeilua betez. Gaurko eguna «bereziki hunkigarria» zaiola eta «ohore eta harrotasun izugarria» sentitzen zuela adierazi du hitza aurrenekoz hartzean.

Ez du erantzunik

2009-06-23 | 16:22:12

Gorka Elustondok beste lau urterako kontratua sinatu du Realarekin

Taldearen "giltzarrietako bat" dela adierazi du Loren kirol zuzendariak

Gorka Elustondo beasaindarra Realaren jokalari izango da 2013ra arte. Gaur sinatu dute bi aldeek kontratua, orain arteko lan-hitzarmena ekainaren bukaeran agortzen baitzitzaion. Jon Ansotegi berriatuarrak ere bost urterako sinatu du gaur. Beste lau urtez Realaren lehen taldeko jokalari izango da Elustondo. Realaren kirol zuzendari Loren Juarrosek adierazi du nola Elustondo, hala Ansotegi, Realaren "giltzarriak" direla etorkizunerako.

• Alain Eizmendi beasaindarra, Realaren lehen taldearekin

Ez du erantzunik

2009-06-22 | 20:03:40

Kartzela zigorra eskatu dute zinegotzi ohi bat «mehatxatu» izanagatik

Fiskaltzak ia bi urteko kartzela zigorra eskatu du bonba jarriko ziola mehatxu egin zuen gizon batentzat

Gipuzkoako Fiskaltzak urtebete eta bederatzi hilabeteko kartzela zigorra eskatu du PSE-EEko zinegotzi ohi bati mehatxu egitea akusatuta dagoen gizonezko batentzat. Akusazioaren arabera gizon horrek zinegotzi ohiari «sutilki» jakinarazi zion, «hirugarren pertsona baten bitartez», haren kontra bonba jartzeko asmoa zeukala. Gertaerak «beldurra eta ezinegona» sortu zuen mehatxatuarengan Fiskaltzaren arabera.

Ez du erantzunik

2009-06-19 | 12:25:22

Beasaingo argazki denda batean lapurreta egiten saiatu dira

Gizon bat dendako lehioa hausten saiatu da harri handi batekin

Goizeko hiruak aldera lapurreta egiteko saiakera izan da Beasaingo Alzuri argazki dendan. Gizon bat erakusleihoko kristala hausten saiatu da harri handi batekin. Bi aldiz egin du saiakera baina ez du beira hausterik lortu, blindatua baita. Harriaren kolpeen ondorioz, zenbait marka geratu dira erakusleihoan eta zoruan.

Ez du erantzunik

2009-06-12 | 12:11:10

Hiru urtetarako lan hitzarmena onartu dute CAFeko langileek

2011rako sei orduko murrizketa izango du langileen urteko lanaldiak eta soldaten igoera ere izango dute

Langile batzarrak egin zituzten atzo Beasaingo CAF enpresan 2011rarteko lan hitzarmena finkatzeko asmoz. Langileen bozketen ondoren,1323 langilek baiezkoa eman zioten hitzarmenari eta 513k aurkako jarrera azaldu zuten. Zurian bozkatu zuten 65 langilek eta hamaika boto nulo izan ziren.

Ez du erantzunik

2009-06-04 | 15:38:48

Javier Elzo soziologo beasaindarra sarituko du Eusko Ikaskuntzak humanitateen sariarekin

Humanitate, kultura, arte eta gizarte zientzien saria udazkenean jasoko du

Javier Elzo beasaindarrak jasoko du aurtengo udazkenean Eusko Ikaskuntzaren eta Euskadiko Kutxaren Humanitate, Kultura, Arte eta Gizarte Zientzien 2009ko saria, Donostian. Gaur eguerdian jakinarazi du EI Eusko Ikaskuntzak sarituaren izena, eta udazkenean ekitaldi publiko batean egingo diote errekonozimendua. Soziologiaren esparruan, "ikerketan eta irakaskuntzan egin duen lan mardula" sarituko diote Elzori, "elkarbizitza eta bakearen kultura ardatz dituen heziketa sortzeagatik". "Ikaragarri" eskertu du Elzok sarirako izendatu izana, baina adierazi du aitortza hori berarekin batera ikerkuntzan lan egin duten guztiena dela.

• Lehenago sarituak

Ez du erantzunik

2009-05-27 | 18:05:17

Amiantoagatik hildako langile baten familiari 122.000 euro ematera behartu dute CAF

Amiantoarekin lan egin zuenean prebentzio neurririk ez zegoelako zigortu dute enpresa kaltea pagatzera

Amiantoarekin lan egin zuen eta mesotelioma gaitzak jota hil zen langile baten familiari 122.308,14 euroko kalte-ordaina ematera zigortu du Donostiako 3. Auzitegiak Beasaingo CAF enpresa. CCOO sindikatuak zabaldu duenez, langilea CAFen amiantoarekin lanean ibili zenean ez zegoen prebentzio neurririk produktu horrekiko, eta pleurako minbizia edo mesotelioma eragin zion, heriotza ekarri ziona. Alargunari eta bost seme-alabei ordaindu beharko die CAFek orain.

3 erantzun