Goierriko Hitza

2008-05-17 | 13:05:40

Hiru gizonezko atxilotu dituzte Beasainen lapurreta egitea leporatuta

Galdategi batetik 10.000 euroko balioa zuten materiala ateratzen ari ziren

Ertzaintzak hiru gizonezko atxilotu zituen atzo gauean Beasainen. Herrizaingo saileko iturrien arabera, Galdategi batetik 700 kilo material atera nahian ari ziren, atzeman zituztenean. Material hauek, 10.000 euro inguruko balioa zuten. Ertzaintzak azaldu duenez, azken hilabeteetan salaketa ugari jaso zituzten. Honen ondorioz, bigilantzia sistema bat jarri zuten galdategiaren inguruan. Hiru atxilotuak, 23 eta 26 urte arteko gizonezkoak dira, eta denek ere, antzeko aurrekariak zituzten, Ertzaintzaren arabera.

Ez du erantzunik

2008-05-14 | 10:24:38

Kanadak Iban Apaolaza presoa kanporatzeko agindu du

Quebec-en preso dago beasaindarra iazko ekainetik; helegitea jarriko du

Iban Apaolaza presoa Kanadatik kanporatzeko agindua eman du hango gobernuak. 2007ko ekainaren 20an atxilotu zutenetik Quebec-eko Montreal hiriko Riviere des Prairies espetxean dago beasaindarra, eta martxoaren 26tik 28ra bitartean egin zioten estradizioaz erabakitzeko bista. Orain, Kanadak handik kanporatzeko agindu du.

Ez du erantzunik

2008-05-13 | 12:11:18

Eurokopa jokatzera Suitzara joango da Beasaingo Zuma GH tadea

Datorren astean joango dira Futbol7ko jokalariak

Eurokopa jokatuko dute Futbol 7an Beasaingo Zuma GH taldekoek, datorren asteburuan. Zuma GH taldea 2002.urtean sortu zen. Beasaingo areto futboleko txapelketan urtetan eta urtetan parte hartu ondoren ordura arte Zumazuritze taldea izandakoari jarraipena emanez sortu zuten talde berria: Zuma GH. Gipuzkoako txapelketako hirugarren mailan hasi zuten euren ibilbidea. Iaz, gorengo mailan, Espainiako txapelketa eta Iberiar Penintsulakoa irabazi zituzten.

Ez du erantzunik

2008-05-12 | 16:01:48

Atzegi elkarteak kanpaina hasi du gaur, adimen urritasuna duten lagunen

Enpresei Atzegizale egiteko deia egin diete

Atzegik Gipuzkoako Adimen Urritasuna Duten Pertsonen Aldeko Elkarteak, sentsibilizazio kanpaina jarri du gaur martxan, 'Lantokian ikusiko duzu!' lelopean. Kanpainaren arduradunek adimen urritasuna duten lagunei buruz esan dutenez, «orain ia ez ditugu lanean ikusten, ez daude gure enpresan, saltokian edo supermerkatuan. Baina gure ondoan lanean egon nahi dute eta horretarako gai dira. Auzoan, zinean edo eskolan dauden bezalaxe. Noizko lan munduko integrazioa? Prestatuta dauden lanpostuan beste edonork bezala erantzuten dute. Hori lortzen laguntzen baduzu, atzegizale izango zara. Kolaboratzeko eman zure datuak edo enpresetan informazioa zabaldu dezaketen beste pertsonei»», adierazi dute. Hala, Atzegik azken kanpaina honen inguruan eskuorriak atera ditu eta bertan norberaren datuekin bete beharreko taula bat agertzen da, Atzegizale egin nahi dutenentzat. Taula bete eta bidaltzen dutenek elkartearen buletina jasoko dute eta Atzegizale egiten diren enpresek jasoko dituzten laguntzei buruzko informazioa emango zaie. Gureak, babestutako enplegu-enpresak, kontratuak bideratu eta lagundu egingo ditu.

Ez du erantzunik

2008-05-09 | 13:02:40

Julen Gonzalez lider da Bidasoako Itzulian, atzo etapa irabazita

20 urteko beasaindarrak ezustekoa eman zuen Hondarribian

Julen Gonzalez (Azpiru-Ugarte) afizionatu mailako txirrindularia Bidasoako Itzuliko liderraren elastikoa soinean duela jokatuko du gaurko etapa (Oiartzun-Oiartzun, 128 km). Atzo ezustekoa eman eta esprintean irabazi zuen Gonzalezek Hondarribiko harrizko kaleetan. Etapa ez ezik, sailkapenean lidertzan jarri da beasaindarra.

Erantzun 1

2008-05-05 | 16:26:38

Festa egun handia da gaur Beasainen

Prozesioa ospatzearekin batera koadrilek blusak atera dituzte kalera

Beasaingo jaien barruan Koadrila Eguna ospatzen ari dira gaur. Laguntaldeak eguerditik blusak jantzitadabiltza kalean gora eta behera, egun osoan, jai giroa jartzen lagundu duten txarangekin batera. Beasaingo kaleetan festa giroa presente dago bazter guztietan. Eguna, ohitura jarraituz, prozesioarekin hasi dute. Andre Maria Zeruratuaren Elizatik Loinazko San Martinen baselizara prozesioan joan ziren txistulariak eta dantzariak lagun dituztela. Koadrilen arteko futbito txapelketa, bestalde, Nelson Pig taldeak irabazi du 3-2ko emaitzaz luzapenean. Koadrilek atera dituzte blusak eta datozen orduetan ekitaldi ugari izango da Beasainen.

2 erantzun

2008-05-02 | 17:50:24

Nelson Pig eta Potrozorri taldeek jokatuko dute Beasainen futbitoko finala

Astelehenean erabakiko da, koadrila egunean, 32. edizioko irabazlea

Lagun arteko areto futbol txapelketako finala astelehenean jokatuko da Beasainen, ohi den bezala jaietako koadrila egunean. Eta aurrez aurre txapelketako bi faborito izango dira: Nelson Pig eta Potrozorri taldeak. Finala 11:30ean hasiko da La salle ikastetxeko patioan. Aurten 32 taldek eman dute izena txapelketan, iaz baino bat gutxiagok. Gutxi gora-behera azken urteotan kopurua mantendu egin da. 32 talde horietatik 24 dira Beasaingoak eta gainerakoak Ordiziakoak, Lazkaokoak eta Alegiakoak dira, besteak beste. Askorentzat txapelketako faborito nagusia Nelson Pig taldea da aurten ere, finalistetako bat. Eskarmentuko taldea da haiena, Hirugarren Mailan jokatutako hainbat jokalari ditu; hala nola Egoitz Sukia, Jon Torres, Mikel Aldanondo eta Iker Ramirez. Hala ere, finalean aurkari izango duen Potrozorri taldea ere ez da ekipo makala, txapelketa ona egin du gainera, eta esperientzia badu, hiru final irabazi baititu lagunarteko areto futbol txapelketan Beasainen.

Ez du erantzunik

2008-05-02 | 16:22:37

Bota dute Loinatz jaien hasierako suziria

Mariren jaitsierarekin lehertuko da festa Beasainen, gaur gauean

Gaur eguerdian bota dute Beasaingo Loinatz jaien hasierako suziria udaletxeko balkoitik. Ondoren, txistularien udal bandak eta musika eskolako txistulariek alaitu dituzte herriko kaleak. Arratsalde partean hainbat ekitaldi izango badira ere, gaur gaueko Mariren jaitsieraren ondoren lehertuko da festa Beasainen.

• Kontzertuen aukera zabala izango da gaur gauean
• Biharko ere, egitarau zabala

Ez du erantzunik