Goierriko Hitza

Ioritz Urdangarin txirrindulariak irabazi du Amarozko XI. saria

Beasain Ampo-Loinatz txirrindulari taldeko ataundarra gailendu zen proban, 82 lasterkariren artean.

m. del olmo

Amarozko XI. saria eskuratu du txirrindularitzan Ampo-Loinatz taldeko Ioritz Urdangarin ataundarrak, Tolosan jokatutako proban. Guztira, txirrindulariek 55 kilometro egin behar izan zituzten eta 82 lagunek parte hartu zuten. Horien denen artean helmugan sartzen lehenengoa goierritar bat izan zen.

Lasterketa lehiakorra

Azkeneko unera arte ez zen erabaki lasterketa. Iñaki Telleria taldeko entrenatzailearen arabera, «Altzoko gailurrean, Ampoko Ioritz Urdangarin eta Andoaingo Mikel Iturria geratu ziren aurrean. Jaitsiera azkar baten ondoren biak batera iritsi ziren helmugara eta bertan Ioritz nagusitu zitzaion Mikeli», kontatu du Loinatz taldeko Telleriak.